“Səbail”də növbəti ayrılıq
08.06.2023 , 15:04
“Səbail” futbolçusu Nihad Qurbanlı ilə yolları ayırıb.
Korner.az klubun mətbuat xidmətinə istinadən xəbər verir ki, oyunçu ilə mövsümün sonunda başa çatan müqavilə müddəti yenilənməyib. Bununla da mövsüm başa çatdıqdan sonra “Səbail”in yolları ayırdığı futbolçuların sayı 9-a çatıb.
Qeyd edək ki, N.Qurbanlı ötən ilin sentyabrında Bakı təmsilçisinə transfer olunmuşdu. O, 2022/2023 mövsümündə meydana çıxdığı 15 oyunda 1 qol ötürməsi verib.
