“Səbail”də növbəti ayrılıq
02.06.2023 , 14:47

“Səbail” futbolçusu Franko Mazureklə yollarını ayırıb.
Korner.az xəbər verir ki, bu barədə klubun mətbuat xidməti məlumat yayıb. Argentinalı futbolçunun müddəti bitən müqaviləsi yenilənməyib.
Mazurek ötən mövsüm 35 oyunda 9 qol, 6 məhsuldar ötürmə ilə yadda qalıb.
Franko Azərbaycan Premyer Liqasının sonuncu turunda “Şamaxı” üzərində qazanılan qələbədə yeganə qolun müəllifi idi. Bayıl təmsilçisi bu nəticə ilə elitada qalmağı təmin edib.
