Mövsüm ərzində fasiləsiz olaraq oyunların təşkil edildiyi stadionlar müəyyən vaxtlarda renovasiya işləri üçün bağlanılır. Bildiyiniz kimi artıq bəzi klublarımız mövsüm bitdikdən sonra ev oyunlarını keçirdikləri stadionlarda bu işləri həyata keçirməyə başlayıblar. “Bakcell Arena”da isə renovasiya işlərinin aparılması “Qəbələ” və “Neftçi” klublarının Avropa Liqasında çıxışı səbəbindən mümkün olmamışdır.
Hava şəraitinin isti keçməsi stadionda renovasiya işlərinin görülməsi zərurətini meydana çıxarmışdır.
“Qəbələ” İK və “Neftçi” PFK nümayəndələri 09.08.2016-cı il tarixində “Bakcell Arena”nın ot örtüyünə baxış keçirərək burada oyunların keçirilməsini məqsədəuyğun hesab etməmişlər.
Renovasiya işləri ilə əlaqədar “Qəbələ” Avropa Liqasının pley-of mərhələsi matçını, “Neftçi” isə ölkə çempionatının oyunlarını digər stadionlarda keçirəcək.
