Ruy Vitoriya “Vulverhempton”ın gündəmində
06.11.2025 , 14:38
İngiltərə Premyer Liqasında uğursuz nəticələrlə üzləşən “Vulverhempton” baş məşqçi axtarışını davam etdirir.
Korner.az ESPN-ə istinadən xəbər verir ki, klub rəhbərliyi bu post üçün əsas namizədlərdən biri kimi portuqaliyalı mütəxəssis Ruy Vitoriyanın namizədliyini nəzərdən keçirir.
55 yaşlı çalışdırıcı bu ilin sentyabrında “Panatinaikos”dan ayrılıb. O, karyerası ərzində “Benfika”da çempionluqlar yaşayıb, həmçinin “Əl-Nəsr” və Misir millisini də idarə edib.
Mövsümün ilk 10 turunda cəmi iki xal toplayan “Vulverhempton” turnir cədvəlinin son pilləsinə düşüb. Klub rəhbərliyi vəziyyəti dəyişə biləcək təcrübəli məşqçi axtarır və Ruy Vitoriya hazırda ən real namizədlərdən biri kimi dəyərləndirilir.
