Rusiyanın Kazan şəhərində cüdo üzrə Avropa çempionatı keçirilir.
Korner.az-ın məlumatına görə, Rio Olimpiadasına lisenziya xarakterli yarışın ikinci günü Azərbaycan millisi üçün uğurlu olub.
Millimizin aktivinə daha bir medal yazılıb. 73 kq çəki dərəcəsində ölkəmizi təmsil edən Rüstəm Orucov ilk qarşılaşmasında litvalı Kestutis Vitkauskasa ipponla qalib gəlib. Orucov növbəti rəqibini – çexiyalı Yakub Jesmineki də eyni fəndlə məğlub edib. Cüdoçumuz 1/4 finalda Sloveniya təmsilçisi Rok Draksiç üzərində qələbəyə sevinib. Yarımfinalda Rusiya cüdoçusu Denis Yartsevə də qalib gələn Orucov adını finala yazdırıb. Həlledici qarşılaşmada Olimpiya çempionu, gürcüstanlı Laşa Şavdatuaşvili ilə qarşılaşan Rüstəm bu mübarizədən də qalib ayrılaraq Avropa çempionatnın qızıl medalını qazanıb.
