“Əbdüləzim Sadıqovu transfer etməmişik. Sadəcə onu Uşaq Futbol Mərkəzimizə dəvət etmişik. Hazırda baxışdadır. Məşqçilərimiz ondan razı qalsalar rəsmi müqavilə imzalayacağıq”.
Bu sözləri Korner.az-a açıqlamaında “Simurq”un mətbuat xidmətinin rəhbəri Rüstəm Allahverdiyev deyib.
Qeyd edək ki, mətbuatda futbolçunun artıq rəsmən transfer olduğuyla bağlı xəbərlər yayılmışdı.
Klub rəsmisi öz açıqlamalarında bu fikirləri də səsləndirib: “O, hələ ki, U-19 və əvəzedici komandalarımızla məşqlərə çıxır. Rəsmi müqavilə imzalansa, U-19 komandamızda oynayacaq. Özünü yaxşı tərəfdən göstərsə onu əvəzedici komandaya da cəlb edə bilər məşqçilər. Gələcəkdə layiq olsa lap əsas komandada oyanaya bilər. Lakin hələ rəsmi müqavilə imzalanmayıb. Futbolçu Zaqatalada baxışdadır”.
