Ruslan Qurbanov oynasa da, komandası məğlub oldu

Xorvatiya çempionatında 29-cu turun oyunları keçirilib.
 
Korner.az-ın məlumatına görə, Azərbaycan yığmasının hücumçusu Ruslan Qurbanovun komandası – “Hayduk” da növbəti matçına çıxıb.
 
Split təmsilçisi doğma meydanda “Riyeka” ilə qarşılaşıb. Matçda hesabı meydan sahibləri açıblar. Ruslan görüşün 72-ci dəqiqəsində meydana çıxıb. Komandası isə 80 və 82-ci dəqiqələrdə buraxdığı qollarla meydanı məğlub tərk edib. Qurbanov 90+1-ci dəqiqədə sarı vərəqə almaqla yadda qalıb.