“Hazırlıqlarımız normal şəkildə davam edir. Komandaya uyğunlaşma cəhətdən problem yaşamadıq. Məşqçi və futbolçu heyəti bizi olduqca xoş qarşıladıralar”.
Korner.az-ın məlumatına görə, bu sözləri “Trabzonspor”un A2 komandasında baxışda olan Ruslan Nəsirli deyib.
Gənc futbolçumuz Türkiyədə qalmaq istədiyini bildirib: “Gün ərzində iki dəfə olmaqla “Trabzonspor”un əvəzedici heyəti ilə məşqə çıxırıq. Burada futbol oynamaq üçün hər bir şərait var. Çalışıram ki, özümü yaxşı tərəfdən göstərim və legioner həyatı yaşayım. Təlim-məşq toplanışı başa çatandan sonra “Trabzonspor”un məşqçi heyəti çıxışımı bəyənsə burada qalmaq istəyirəm”.