“Neftçi” PFK transfer işlərini davam etdirir.
Korner.az-ın məlumatına görə, milli komandamızın üzvü Ruslan Abışovla il yarım müddətinə müqavilə bağlanıb.
“Neftçi”nin yetirməsi olan 29 yaşlı müdafiəçi 2012-ci ilədək “ağ-qara” formanı geyinib. Bundan sonra “Xəzər Lənkəran”, “Rubin” (Rusiya), “Qəbələ” və “İnter” klublarında çıxış etmiş Ruslan Abışov 2009-cu ildən milli komandamızın şərəfini qoruyur.
