“Oyun gördüyünüz kimi çox maraqlı keçdi. Hamı bilir ki, çempionatın
ilk turu həmişə çətin olur. Rəqibimiz də çox güclü komanda idi.
“Qarabağ”ı hamı tanıyır və necə futbol oynadıqlarını hamı bilir. Oyuna
ciddi hazırlaşmışdıq, öz meydanımızda qələbə qazanmaq istəyirdik,
hesabda da önə keçdik. Ancaq sonra biz müdafiədə səhvlərə yola verdik və
bunun nəticəsində də qapımızda iki top gördük. Rəqib bizdən yaxşı
futbol nümayiş etdirdi, siz də görürdüz, amma biz zəif komanda deyilik.
Həttə onlardan da güclüyük. Rəqib əks hücümlarda yaxşı
oynayırdı, çoxlu qol epizodları yaratdılar”.
Bu sözləri Korner.az-a “İnter”in futbolçusu Ruslan Əmircanov deyib.
“Bankirlər”in futbolçusu “Qarabağ”la oyun (1:2) haqda danışarkən daha sonra bunları deyib:
“Biz erkən qol vurduq, lazım olanı etdik. Sonra sanki “boşaldıq”. Həm
də birinci qolu gözləmirdik. Mənim yadıma gəlmir ki, hansısa komanda
qapısında elə qol görsün.
Bizə çox deyirlər ki, transfer uğurlu deyil. Gələnlərin hamısı yaxşı
futbolçulardı. Ola bilsin çempionatın ilk oyunudu deyə, hələ uyğunlaşa
bilməyiblər. Gələcək turlarda onların oyununu görəcəksiniz”.
