Rusiyalı milyarder Alişir Usmanov İngiltərə Premyer Liqasında mübarizə aparan “Arsenal” klubunu satın almaq istəyir.
Korner.az-ın məlumatına görə, bu haqda “Financial Times” xəbər yayıb.
London klubunda 30 faizlik səhmə sahib olan özbək əsilli oliqarx daha böyük səhmə sahib olmaq niyyətindədir. Usmanov klubda ən böyük paya sahib olan Stan Kroenkeyə öz təklifini göndərib və cavab gözləyir. Bildirilir ki, rusiyalı iş adamı Kroenkeyə 1.1 milyard avro təklif edib.
Qeyd edək ki, Alişir Usmanovun hal-hazırda 13 milyard avroluq sərvəti var.
