Futbol üzrə Rusiya çempionatının II Divizionunda çıxış edən “Smena” klubunun futbolçuları İbrahim Bazayev və İqor Baldin 2 illik diskvalifikasiya olunublar
Onlarla yanaşı, artıq komandanın sabiq futbolçusu olan Nəriman Qusalov anoloji cəzaya məruz qalıb.
Sözügedən “üçlük” iştirakçısı olduqları “Smena”nın sentyabrın 20-də X tur çərçivəsində “İrtış”la görüşü üçün bukmeker kontorunda pul qoyuluşu etdiklərinə və oyunun nəticəsinə təsir göstərdiklərinə görə diskvalifikasiya olunublar.
Qeyd edək ki, “İrtış”ın səfərdə “Smena”ya 1:0 hesabı ilə qalib gəldiyi matçın nəticəsi də ləğv olunub. Qarşılaşma yenidən oynanılacaq.