Hollandiyalı məşhur futbolçu Rud van Nistelroy karyerasını başa vurub. Korner.az-ın məlumatına görə, "Malaqa"nın 35 yaşlı hücumçusu müqaviləsini uzatmamağı qərara alıb. Forvard yaşıl meydanlara başıuca əlvida deyib. Van Nistelroyun sonuncu komandası 4-cü yerin sahibi kimi Çempionlar Liqasına vəsiqə qazanıb.
Qeyd edək ki, Rud van Nistelroy karyerasına başladığı Hollandiya “Herenven”indən 1998-ci ildə PSV-yə keçib. Bu komanda ilə 2 dəfə ölkə çempionu olduqdan sonra o, 2001-ci ildə İngiltərə “Mançester Yunayted”inə transfer olub. “Qırmızı şeytanlar”la 2003-cü ildə çempionluq sevinci yaşayan məşhur hücumçu 2006-cı ildə İspaniya “Real Madrid”inə üz tutub. “Kral klubu” ilə də 2006 və 2007-ci illərdə çempion olduqdan sonra o, 2010-cu ildə Almaniya “Hamburq”una, 2011-ci ildə İspaniya “Malaqa”sına keçib.
