Türkiyə millisinin futbolçusu Gökhan Törə Rusiyanın "Rubin" klubuna transfer olunub. Korner.az-ın məlumatına görə, Almaniya “Hamburq”unun futbolçusu bundan sonra Kazan klubu üçün tər tökəcək. Futbolçu ilə 4 illik müqavilə bağlanıb və 20 yaşlı yarımmüdafiəçi 55 nömrəli formada çıxış edəcək.
Qeyd edək ki, Gökhan Törə 1999 – 2003-cü illərdə oynadığı Almaniyanın “Adler” klubunun yetirməsidir. Sonradan o, 2009-cu ilədək “Bayer”in, 2011-ci ilədək İngiltərənin “Çelsi” komandasının şərəfini qoruyub. “Hamburq”da son 2 mövsümdə çıxış etmiş Törə ötən ildən Türkiyə yığmasına çağırılıb və “ay-ulduzlu” formada 9 oyuna çıxıb.
