"Neftçi"nin yeni məşqçi ilə əməkdaşlığa başladığını xəbər vermişdik.
Korner.az-ın məlumatına görə, bu, İspaniyalı Ruben Seleş Kastellodu. UEFA Pro kateqoriyalı çalışdırıcı paytaxt təmsilçisinə keçidi ilə bağlı fikirlərini klubun rəsmi saytına bildirib:
“Mənə dəvət gələn kimi “Neftçi” haqqında ətraflı məlumat topladım. Bilirdim ki, bu klubun böyük tarixi var və “Neftçi” hər zaman iddialı olub. Bu mövsüm komanda Avropa Liqasının qrup mərhələsinə vəsiqə qazanmaqla Avropada öz söz etdirib. Son iki mövsümdə çempion olmuş komanda üçün titulu qorumaq çox vacibdi. “Neftçi” rəhbərliyi ilə söhbətimdə komanda qarşısına qoyulan məqsədlərlə tanış oldum. Komandanın baş məşqçisi Böyükağa Hacıyevlə tanış oldum və o mənə öz məsləhətlərini və tövsiyyələrini verdi.
İlk məşqdə hiss etdim ki, düşərgədə əla abu-hava var. Belə bir mühitdə və şəraitdə işləmək yalnız zövq verə bilər. Gənc olmağıma baxmayaraq Avropanın bir sira ölkələrində çalışmışam və müəyyən təcrübə toplamışam. Əminəm ki, hazırlıq müddəti başa çatana kimi futbolçularımız çempionat oyunlarına tam hazır olacaqlar və klub rəhbərliyi və rəhbərliyin etimadını doğruldacağıma əminəm”.
