AFFA prezidenti Rövnəq Abdullayev Gürcüstan Futbol Federasiyasının prezidenti Zviad Sicinava ilə görüşündən sonra brifinq keçirdi. Korner.az-ın məlumatına görə, Abdullayev ilk olaraq 2020-ci il Avropa çempionatının Gürcüstanla birgə keçirmək təklifinəhaqda fikirlərini bildirib.
– Bu gün AVRO-2020 ilə bağlı artıq rəsmi elanımızı verdik və hamınızı bu münasibətlə təbrik edirik. Bildiyiniz kimi, 2 federasiya iyunun 30-a kimi bir proqram hazırlayacaq və həmin vaxt UEFA-ya tərtib olunmuş sifariş ərizəmizi verəcəyik. Bu böyük bir hadisədir və biz federasiyalar olaraq bütün gücümüzlə çalışacağıq. Mən inanıram ki, istəyimə çatacağıq. Bildiyiniz kimi, dövlətlərimiz, federasiyalar də bunun tərəfdarıdır və dəstəklədir. Biz bu Avropa çempionatını Azərbaycan salmaq üçün əlimizdən gələni edəcəyik və bunu yüksək səviyyədə keçirmək fikrindəyik. Mən deyərdim ki, bu, bizim regiona üçün müstəqillikdən sonra ən böyük hadisələrdən biri ola bilər.
– İşçi qrupunun hazırlanmağı planlaşdırılıb…
– Bunda problem yoxdur. Yəqin ki, gələn həftəyə onun tərkibi hazır olar. Bu, AFFA-nın baş katibi və mütəxəssislərdən ibarət olacaq. Gürcülər burada çalışacaq, infrastrukturla bağlı hazırlıq görəcək. Bizimkilər də eyni Azərbaycanda edəcəklər. Arada görüşüb, müzakirələri birləşdirib, infrastrukturla bağlı birgə təkliflərimizi hazırlayacağıq.
– Final mərhələsini keçirməklə bağlı 9 stadion olmalıdır. Burada kimə 5, kimə 4 stadion düşməklə bağlı problem yaşanmaz ki?
– Bu, problem deyil. UEFA-da təsnifat var: 60, 50, 40 minlik stadionlar. Qitə futbol qurumu bunlara baxacaq. Əsas bu işi görək, harada açılışı, harada final olacaq, bu, sonra həll olunar, problem yoxdur.
– Milli komandamızın növbəti seçmə mərhələyə az qalıb. Həmin sınaqdan nə gözləyirsiniz? Son yoldaşlıq görüşləri haqda da fikirlərinizi bilmək istərdik…
– Mən milli komandadan çox şey gözləyirəm. Bizim əsas hədəfimiz 2016-cı il Avropa çempionatının final mərhələsinə düşməkdir. Bildiyiniz kimi, baş məşqçi Berti Foqtsun qarşısında əsas məqsəd Azərbaycanda gənc – 20 yaşına kimi futbolçuları üzə çıxarmaq və onların gücünü yoxlamaqdır. Yaponiya yığması ilə yoldaşlıq görüşündə millimizin orta yaş həddi 23 olub ki, bu da bizim üçün çoxdur. Çalışırıq ki, əsas qüvvəmizi 19-20 yaşa kimi futbolçulara çıxarmağa yönəldək. Bildiyiniz kimi, Bakıda keçirilən “Caspian Cup”da U-17-miz çox gözəl nəticələr göstərib. İnanıram ki, Avro-2016-da qarşımıza qoyduğumuz məqsədə çatacağı və nəticə göstərməliyik.
– Klublarımız üçün növbəti avrokubok mövsümü başlayır. Futbolumuza olan diqqət və qayğının nəticəsində komandalarımızın qrup mərhələsinə düşməyi gözlənilir. Bir AFFA prezidenti olaraq klublarımız iyulda başlayacaq avrokuboklardan nə gözləyirsiniz?
– Əsas qələbə gözləyirəm. Klublara çəkilən zəhmətimizin axırı Avropada çıxışlardır. İnanıram ki, klublarımız avrokubokların seçmə mərhələ yarışlarında nəticə göstərə biləcəklər. Bir az bəxt amili də var ki, püşkdə bizə hansı rəqib düşəcək. İnanırıq ki, püşkdə normal rəqiblər çıxacaq ki, bir neçə mərhələ adlaya bilsinlər. Mən klublarımızın Avropada nəticə göstərəcəklərinə inanıram.
