Ronaldo “Santyaqo Bernabeu”da vida oyununa çıxacaq?
05.01.2026 , 15:00
Portuqaliyalı ulduz Kriştiano Ronaldo karyerasını başa vurduqdan sonra “Santyaqo Bernabeu”da vida matçı keçirmək imkanını nəzərdən keçirir.
Korner.az xarici KİV-ə istinadən xəbər verir ki, hazırda bu barədə rəsmi razılaşma yoxdur, lakin fikir mübadilələri aparılır.
Mümkün variantlardan biri “Real” və “Əl-Nəsr” arasında yoldaşlıq oyunu təşkil etməkdir. Bu ssenaridə Ronaldo hər iki komandada bir hissə oynaya bilər. Oxşar format Raul Qonzalezin vida matçında da istifadə olunmuşdu.
Digər variant isə Ronaldo üçün xüsusi olaraq “Sportinq” və “Real” klublarını əhatə edən formatdır. Beləliklə, o həm karyerasına başladığı, həm də ən uğurlu dövrünü keçirdiyi komandada oynaya bilər.
Qeyd edək ki, Ronaldo “Sportinq” (2002–2003), “Mançester Yunayted” (2003–2009 və 2021–2022), “Yuventus” (2009–2018) və “Əl-Nəsr” (2022-dən) formalarını geyinib.
