Ronald Arauxo “Barselona”nın start heyətinə qayıda bilər
28.01.2026 , 14:00
“Barselona”nın müdafiəçisi Ronald Arauxo uzun fasilədən sonra yenidən meydanlara dönür.
Korner.az xəbər verir ki, uruqvaylı futbolçu noyabrın sonundan yanvarın əvvəlinə qədər istirahət edirdi.
Baş məşqçi Hans-Diter Flik Arauxonu yenidən əsas heyətə daxil etmək niyyətindədir və bunun üçün ən uyğun anı gözləyir. Arauxonun start heyətində ilk oyunu fevralın 3-də “Albasete” ilə kubok matçında ola bilər.
Fasilədən sonra o, “Real” və “Slaviya” ilə matçlarda əvəzləyici kimi meydana çıxıb.
