“Qəbələ”nin çalışdırıcısı Roman Qriqorçuk Azərbaycanda ilin ən yaxşı baş məşqçisi seçilməsi ilə bağlı Ukrayna mətbuatına açıqlama verib.
Korner.az-ın məlumatına görə, ukraynalı mütəxəssis bunun onun üçün sürpriz olduğunu bildirib:
“İlin ən yaxşı məşqçisi seçilməyim mənim üçün sürpriz oldu. Bunu tədbirin gedişində öyrəndim. Şadam, ancaq əsas diqqəti buna yönəltmək lazım deyil. Mümkün olsaydı, mən böyük sevinc hissi ilə hər belə bir mükafatı “Qəbələ”nin turnir cədvəlində 10 xal öndə olmasına dəyişərdim”.
Ukraynalı mütəxəssis komandasının hədəflərindən də danışıb: “Hazırda əsas hədəfimiz “Qarabağ”la çempionluq uğrunda mübarizə aparmaq və kuboku qazanmaqdır. Əlbəttə, “Qarabağ” favoritdir, ancaq biz onlarla mübarizə apara bilərik. Həmçinin komandanın yüksəkdə olması və inamla irəliləməsi üçün sistem yaratmalıyıq”.
