“Qəbələ” haqda məlumatım var idi.
Korner.az-ın məlumatına görə, bu sözləri “Qəbələ”nin yeni təyin olunan baş məşqçisi Roman Qriqorçuk deyib:
“Buraya gəlib infrastrukturla tanış olduqdan sonra qərara geldim ki, mən burda olmalıyam. Bu klubla yayda danışıq aparmışdıq. Ancaq həmin dövrdə hesab edirdim ki, “Çernomorets”də qalmalıyam. Həm də bəzi səbəblər var idi gələ bilməməyimə. Burda peşəkar insanlar çalışırlar. Mən də xarakterli insanam, qarşıya qoyulan məqsədə çatmaq üçün əlindən gələni edən adamam. “Qəbələ” adına və məqsədinə uyğun olmayan pillədədir. İnfrastruktura qaydasındadı, növbədə futbol mentalitetini aşılamalı, sonra isə oyun planında möhkəmlənməliyik. Bu cür klub üçün məqsəd həmişə böyük olmalıdır.
Bura gələnədək və gələndən sonra komandanın oyunlarını izləmişdim. Təəssüratlarım müsbətdir. Ancaq yüksək hədəflər üçün dəyişikliklər qaçılmazdır. Bütün yaş qrupları üzrə komandalarımızda rəqabət yaratmaq lazımdır. Hörmətsizlik kimi qəbul etməyin, ancaq müqaviləmizdə maddə var ki, maaşım gizli saxlanılmalıdır. Klub açıqlamaq istəyərsə, buna etiraz etmərəm. “Çernomorets”den Kotovu “Qəbələ”yə gətirmək istrdim. Müqaviləmin müddətinin 1,5 illik olması məni qane edir. İşimiz uğurlu alınsa, müddəti uzatmaq, əks halda ona xitam vermək də mümkündür. Güclü komanda yaratmaq üçün vaxta ehtiyac var. Bunu bəhanə kimi qəbul etmeyin. Ümid edirem ki, bir müddət sonra dediyimin doğru olduğunu görəcəksiz. Burda olduğum 1 həftə ərzində heç bir tanıdığım futbolçuya zəng edib transfer teklifi etməmişəm. Yani kimləri gətirəcəyimizi hələ tam müəyyənləşdirməmişik. Yayda “Qəbələ” ilə danılışıqlarımız olanda Yuri Syominlə əlaqə saxlayıb klub haqda maraqlanmışdım. Onun dediyi xoş sözlərin buraya gəldikdən sonra əyani şahidi oldum.
Klub rəhbərliyinin necə komanda istədiyini bilirəm ve transfer işini də buna uyğun aparacağıq. Transferlərin rəhbərliyin nəzarəti ilə aparılması işimə əngəl olmayacaq. Çünki mən də düşünürəm ki, bu iş rəhbərliklə qarşılıqlı razılıq əsasında aparılmalıdı. Azərbaycanda çempion olmaq çətindir. Ancaq indiki vəziyyətdə hansı komandanın bizə başağrısı olacağını deyə bilmərəm. Bunun üçün əvvəlcə birinci pilləyə qalxmalıyıq.
