“Komandam haqqında xoş sözlər deyə bilərəm. Futbolçularımla fəxr etdim. Çox gözəl oynadıq. Qalib gələ bilməsək də, heç bir oyunda bugünki qədər qol epizodları əldə etmədik”
Korner.az-ın məlumatına görə, bu sözləri “Qəbələ”nin məşqçisi TPL XXXII turu çərçivəsində keçirilən “Qarabağ”la (1:1) oyundan sonra deyib.
O sözlərinə belə davam edib:
“Bu oyuna hazırlıq həftəsi boyunca futbolçuların məşqlərdə peşəkarlığı ilə qürur duydum. Bu gün hakim işinin öhtəsində yaxşı gəldi. Hazırda olan komanda hələ tam kompaktlaşmayıb. İki turnirdə iştirak edəcəyik. Həm say cəhətdən, həm də güc cəhətdən komanda yenilənməlidi. Biz futbolçularımıza tələblər qoyuruq və sonradan bunu izləyib yoxlayırıq. Bütün futbolçulara özünü sübut etməyə vaxt veririk.
Qriqorçuk Rəşad Sadiqovun oyununu xüsusi qeyd edib:
“Rəşad Sadiqov ona qoyulan bütün tapşırıqları yüksək yerinə yetirdi. Lakin bu o demək deyil ki, bir oyun yaxşı oynayan futbolçu qalan matçlarda da start heyətdə olacaq. Peşəkar futbolçu hər gün özünü yaxşı tərəfdən göstərməlidi. Bugünki oyunu nəzərə salsaq Rəşad start heyətə layiqdi”
