“Roma”dan İngiltərə klubuna
18.04.2025 , 22:15
“Roma”nın futbolçusu Zeki Çelik karyerasını İngiltərədə davam etdirə bilər.
Korner.az xəbər verir ki, Türkiyə millisinin oyunçusu ilə “Fulhem”in maraqlandığı iddia olunur.
Premyer Liqa təmsilçisi 28 yaşlı futbolçunun transferi üçün paytaxt klubu ilə danışıqlara başlayıb.
Tərəflər arasında razılığın əldə olunduğu bildirilir.
Bu mövsüm “Roma”nın heyətində 37 matçda iştirak edən Zeki Çelik 1 qol vurub, 3 məhsuldar ötürmə edib.
Bazar dəyəri 5 milyon avro olan Zeki Çelikin “Roma” ilə müqaviləsinin müddəti 2026-cı ilə qədərdir.
