“Roma” – “Milan” matçında heç-heçə – Video
26.01.2026 , 10:30
İtaliya A Seriyasında 22-ci turun oyunları davam edir.
Korner.az xəbər verir ki, bu turda “Milan” səfərdə “Roma” ilə üz-üzə gəlib.
Qarşılaşma gərgin mübarizə şəraitində keçib və tərəflər hərəyə 1 qol vurmaqla kifayətləniblər. Matç 1:1 hesabı ilə başa çatıb.
Görüşdə hesabı 62-ci dəqiqədə De Vinter açıb. 74-cü dəqiqədə isə Pelleqrini penaltidən fərqlənərək tarazlığı bərpa edib.
Bu nəticədən sonra “Milan” 47 xalla turnir cədvəlində 2-ci pillədə qərarlaşıb. “Roma” isə 43 xalla 3-cü sıradadır.
