Futbol üzrə milli komandamızın baş məşqçisi Robert Prosineçki maraqlı açıqlamalar verib.
Korner.az-ın məlumatına görə, “Kicker” nəşrinə danışan xorvat mütəxəssis DÇ-2018-in seçmə mərhələsi çərçivəsində millimizin Almaniyaya qarşı keçirəcəyi matç haqda fikirlərini bildirib:
“Almaniya hər zaman favoritdi. Biz əlimizdən gələnin ən yaxşısını etməyə çalışacağıq. Bu, heç də asan deyil. Bu qarşılaşma ölkə üçün əsl tamaşa olacaq. Əgər uduzmasaq, bu, Azərbaycanda böyük sevincə səbəb olacaq. Azarkeşlər bizim Rusiyada keçiriləcək mundiala vəsiqə qazanacağımıza inanır, lakin biz o qədər də hazır deyilik”.
Xatırladaq ki, Azərbaycan – Almaniya oyunu martın 26-sı, saat 20:00-da başlayacaq.
