“River Pleyt” 19 ildən sonra finalda

Cənubi Amerika Futbol Konfederasiyası tərəfindən təşkil olunan Libertadores kubokunun ilk finalçısı müəyyənləşib.

Korner.az-ın məlumatına görə, bu, Argentinanın “River Pleyt” klubudur. Komanda yarımfinalda “Quarani”ni mübarizədən kənarlaşdıraraq (2:0, 1:1) finala yüksəlib. Bununla da “River Pleyt” 19 ildən sonra yenidən finala adını yazdırıb.

Qeyd edək ki, Argentina klubu bundan əvvəl 1966, 1976, 1986 və 1996-cı illərdə finalda oynayıb.