Sabiq ingiltərli futbolçu Rio Ferdinand “Arsenal” klubu haqqında maraqlı açıqlamalar verib.
Korner.az-ın məlumatına görə, bu haqda “BT Sport” xəbər yayıb.
“Mançester Yunayted”in sabiq futbolçusu: “Son 10 ilə baxsaq, ən böyük hədəflərinin liqanı ilk 4-də bitirmək olduğunu görərik. Çünki, daha böyük uğur əldə etmək üçün heç birşey etmirlər. Deməli, dördüncü olmaq onları xoşbəxt edir. Əgər belə deyilsə, onda niyə Arsen Venqerlə müqavilənin müddətini uzatmaq istəyirlər?”.
Futbolçu “Arsenal”dan ayrılan ulduz futbolçular haqda da danışıb: “Robin van Persiyə və Sesk Fabreqas baxsaz, vəziyyəti başa düşərsiniz. Dünyanın yaxşı futbolçuları kubok qazanmaq istəyər. Onların komandadan ayrılmağının pul ilə əlaqəsi yoxdu. Həmin futbolçular sadəcə uğur qazanmağın necə bir hiss olduğunu bilmək istəyirlər”.
