Bu gün Rio Olimpiadasında güləş yarışlarına start verilib.
Korner.az-ın məlumatına görə, döşək üzərinə ilk olaraq Yuna-Roma güləşçiləri çıxıblar.
Azərbaycan yığmasının iki üzvü – Rövşən Bayramov (59 kq) və Elvin Mürsəliyev (75 kq) də Olimpiadada debüt edib.
Əvvəlcə Elvin ilk görüşünü keçirib. Pəhləvanımız 1/16 finaldan etibarən mübarizə aparıb. Onun rəqibi misirli Rəşad Fevzi Mahmud Sebye olub. Rəqibinə 2:1 hesabı ilə qalib gələn idmançımız 1/8 finala yüksəlib.
Elvinin bu mərhələdədən də üzüağ çıxsa da, 1/4 finalda macar rəqibini 0:5 hesabı ilə məğlub oldu.
Daha sonra isə son iki Olimpiya Oyunlarının (Pekin-2008 və London-2012) gümüş mükafatçısı Rövşən Bayramov gücünü sınayıb. İdmançımız mübarizəyə 1/8 final mərhələsindən start verib. Onun ilk rəqibi Venesuela güləşçisi Rayber Xose Orozko Rodrigez olub. Pəhləvanımız bu rəqibini asanlıqla məğlub edib – 8:0.
Həmyerlimiz 1/4 finalda Xese David Tielke (ABŞ) ilə qarşılaşıb. Təmsilçimiz rəqibinə vaxtından əvvəl qalib gəlib. Rövşən yarımfinalda yapon rəqibinə məğlub olub. Onun bürünc medal uğrunda Norveçli rəqibinə uduzub.
