Riçarlison “Tottenhem”i tərk edə bilər
03.11.2025 , 21:45
“Tottenhem”in hücumçusu Riçarlison yaxın gələcəkdə klubu dəyişmək niyyətindədir.
Korner.az xarici KİV-ə istinadən xəbər verir ki, 28 yaşlı braziliyalı futbolçu uyğun təklif gəldiyi halda transfer pəncərəsində komandadan ayrılacaq. Onun üçün əsas maraq obyekti Braziliya klubu “Flamenqo”dur.
Bundan başqa, Riçarlisona “Everton”, ABŞ-ın “Orlando Siti” və Səudiyyə Ərəbistanının bir neçə klubu da maraq göstərir.
Qeyd edək ki, Riçarlison 2022-ci ildə “Tottenhem”ə keçib və cari mövsümdə 16 oyunda iştirak edərək 3 qol vurub, 2 məhsuldar ötürmə edib.
