“Xəzər Lənkəran”la oyunda zədələnərək əvəzlənən “Qarabağ”ın yarımmüdafiəçisi Reynaldo da Silvanın taleyinə aydınlıq gəlib.
Klubun mətbuat katibi Nurlan İbrahimov Korner.az-a açıqlamasında bildirib ki, futbolçu ən azı 2 həftə meydanlardan uzaq qalacaq.
“Müayinədən sonra məlum oldu ki, Reynaldonun sağ ayaq əzələsində birinci dərəcəli dartılma olub”, – deyə İbrahimov bildirib.
“Onun cavab oyununda meydana çıxması mümkündümü?” sualına mətbuat katibinin cavabı belə olub: “Buna ümid çox azdı. Böyük ehtimalla, cavab oyununda da olmayacaq”.
