Qarabağ”ın zədəli futbolçusu Reynaldonun son durumu müəyyənləşib.
Korner.az-ın məlumatına görə, Almaniyada tibbi müayinədən keçən braziliyalı hücumçu dizindən əməliyyat olunacaq.
Bu səbəbdən o, ən azı 6 ay yaşıl meydanlardan uzaq qalacaq.
Avropa Liqasının qrup mərhələsi çərçivəsində “Anderlext”lə Bakıda keçirilən matçda köhnə zədəsi üzə çıxan Reynaldo bu gün Fransada olan “Qarabağ”ın düşərgəsinə qoşulub. O, sabah Avropa Liqasının qrup mərhələsində “Monako” ilə görüşü stadiondan canlı izləyəcək.
Qeyd edək ki, “Sta Lui II” stadionunda keçiriləcək “Monako” – “Qarabağ” oyunu sabah Bakı vaxtı ilə saat 22:00-da başlayacaq. (qol.az)
