“Qarabağ” derbidə “Neftçi”nin qonağı olanda bütün çempionatların iştirakçısı olan tərəflərin çempionat çərçivəsində sayca rekord 55-ci qarşılaşması idi.
Korner.az-ın məlumatına görə, “Azərbaycan derbisi”ndən öncə “Qarabağ” heyətində 2 itki vardı. Admir Teli və Nikolas Gelaşvili zədə səbəbindən oyunu buraxacaqdı. Gelaşvilinin oyunu buraxması səbəbindən Reynaldo yenidən hücumun sivri ucuna çəkildi ki, bu da sonda böyükhesablı qələbənin qeydə alınmasında həlledici oldu.
“Qarabağ” derbidə 4:1 hesabıyla qalib gəldi. Saysız-hesabsız qol epizodları, baxımlı futbol “Qarabağ”ın ifasında azarkeşlərə futbol etsetikasının incə çalarlarıyla həzz dalğası idi.
Tarixində 2-ci dəfə “Azərbaycan derbi”sində rəqibini darmadağın edən komandamız zəfərində xüsusi bir amil diqqəti cəlb etdi. Belə ki, 4:1-lik qələbədə het-trik edən Reynaldoya bütün sonuncu ötürmələri verən Leroy görüşdə hesabın açılmasıyla nəticələnən qolunu görməyə dəyərdi. 2-likdə rəqibi çökdürən tandem 2-ci dövrədə baş tutan və 3:1 hesabıyla nəticələnən görüşün də taleyini həll etmişdi.
Belə ki, Reynaldonun dublu zamanı Surinam əsilli holland assitent rolu oynamışdı. Maraqlıdı ki, Çumbinyonun penaltiylə fərqləndiyi 3-cü qolda da penalti məhz Reynaldoya qarşı kobudluğa görə qeydə alınmışdı.
Beləliklə, son 2 qarşılaşmada `ağ-qara`lar üzərində qeydə alınmış 3:1 və 4:1-lik qələbələrdə Reynaldo – Leroy göstəriciləri belədi:
Reynaldo – 5 qol, 1 penalti
Leroy – 5 assist, 1 qol
