“Renn”in gənc müdafiəçisi nəhəng klubların diqqətində
28.01.2026 , 20:48
Fransanın “Renn” klubunda çıxış edən Jeremi Jake Avropanın aparıcı futbol nəhənglərinin maraq dairəsinə düşüb.
Korner.az xəbər verir ki, cəmi 20 yaşı olmasına baxmayaraq, mərkəz müdafiəçisi göstərdiyi stabil oyunla diqqət mərkəzinə çevrilib.
“Çelsi”, “Liverpul” və “Bavariya” gənc futbolçunu yaxından izləyir və yay transfer dönəmində heyətlərini onunla gücləndirməyi düşünürlər.
Xarici KİV yazır ki, bu klublar artıq “Renn”lə ilkin təmaslar qurub.
Qeyd edək ki, Jake cari mövsümdən etibarən “Renn”in əsas müdafiə xəttində möhkəmlənib. “Transfermarkt” portalı futbolçunun bazar dəyərini 20 milyon avro olaraq göstərir.
