“Real”ın müdafiəçisi “El-Klasiko”nu buraxacaq
21.10.2025 , 20:24
Madrid “Real”ının müdafiəçisi David Alaba yenidən zədə problemi ilə üzləşib.
Korner.az xarici KİV-ə istinadən xəbər verir ki, avstriyalı futbolçu “Xetafe” ilə baş tutan La Liqa qarşılaşmasında (1:0) əzələsini dartıb və təxminən bir həftə meydanlardan uzaq qalacaq.
Bu səbəbdən Alaba UEFA Çempionlar Liqasındakı “Yuventus” və La Liqadakı “Barselona” oyunlarını buraxacaq. Onun zədəsi “Real”ın baş məşqçisi Xabi Alonsonu çətin vəziyyətdə qoyub, çünki artıq bir neçə müdafiəçi zədə səbəbindən heyətdə yer almır.
Qeyd edək ki, “Xetafe” ilə görüşdə Dani Karvahal, Trent Aleksander-Arnold, Ferlan Mendi, Antonio Rüdiger və Din Heysen də oynamamışdı. Lakin Karvahal, Trent və Heysenin yaxın vaxtlarda komandaya dönəcəyi gözlənilir.
