İspaniya La Liqasının XIV turu “El Klasiko” ilə yadda qalıb.
Korner.az-ın məlumatına görə, “Barselona” “Nou Kamp”da əzəli rəqibi “Real”ı qəbul edib.
Oyunda hesabı açan tərəf meydan sahibi olub. Qarşılaşmanın 53-cü dəqiqəsində Luis Suares madridliləri meydanın mərkəzinə dəvət edib. Ancaq matçın son dəqiqəsində Serxio Ramos hesabda tarazlıq yaradıb – 1:1.
Müdafiəçinin bu qolundan sonra “Real”ın futbolçusu Dani Karvaxal sevincini “Barselona” azarkeşlərinə acıq verməklə qeyd edib. O, kataloniyalı fanatlara orta barmaq işarəsi göstərib.
