“Real”da “istefa” sədaları

Madrid “Real”ının azarkeşləri klubun prezidenti Florentina Peresi istefaya səsləyiblər.

Korner.az-ın ispan mətbuatına istinadən verdiyi məlumata görə, “Real”ın İspaniya La Liqasının 3-cü turunda əzəli rəqibi “Atletiko”ya 1:2 hesabı ilə uduzması azarkeşlərin qəzəbinə səbəb olub.

Oyun ərzində Peresin əleyhinə şüarlar səsləndirən bir qrup fanat matçdan sonra da etirazlarını davam etdiriblər. Azarkeşlər komandanın yeni mövsümə uğursuz start verməsində məhz Peresin günahkar olduğunu düşünürlər.