“Real” və “Barselona”nın İspaniya kubokundakı rəqibləri bəlli oldu
10.12.2025 , 11:37
İspaniya kubokunda 1/16 final mərhələsinin püşkü açıqlanıb.
Korner.az xəbər verir ki, bununla “Real” və “Barselona”nın da rəqibləri məlum olub.
Madrid təmsilçisi bu raundda III divizionda çıxış edən “Talavera de la Reina” ilə qarşılaşacaq. Matç dekabrın 17-də, Bakı vaxtı ilə saat 00:00-da keçiriləcək.
“Barselona” isə digər üçüncü liqa klubu “Qvadalaxara”nı sınağa çəkəcək. Bu oyun dekabrın 16-da, Bakı vaxtı ilə saat 23:00-da başlayacaq.
Xatırladaq ki, İspaniya kubokunun hazırkı qalibi “Barselona”dır. “Real” isə son dəfə bu titulu 2022/2023 mövsümündə əldə edib.
