“Real” Rüdigeri buraxmaq istəmir
19.01.2026 , 15:15
“Real Madrid” rəhbərliyi müdafiəçi Antonio Rüdigerin gələcəyi ilə bağlı qərarını verib.
Korner.az xəbər verir ki, Madrid klubu 32 yaşlı futbolçunu komandada saxlamaq üçün ona yeni müqavilə təklif edib.
Hazırda tərəflər arasında danışıqlar davam edir. Almaniya millisinin üzvünün “Real”la mövcud müqaviləsi 2026-cı ilin yayına qədər nəzərdə tutulub.
Bir neçə klubun marağına baxmayaraq, Rüdigerin prioriteti karyerasını Madrid təmsilçisində davam etdirməkdir.
Xatırladaq ki, təcrübəli müdafiəçi 2022-ci ildə “Çelsi”dən “Real Madrid”ə transfer olunub. Daha əvvəl isə “Ştuttqart” və “Roma”nın şərəfini qoruyub.
