“Real” Rodri üçün 150 milyon avro ödəməyə hazırdır
05.10.2025 , 16:00
“Mançester Siti”nin yarımmüdafiəçisi Rodri Hernandes “Real Madrid”in diqqət mərkəzinə düşüb.
Korner.az xəbər verir ki, Madrid təmsilçisi ispaniyalı futbolçunun transferi üçün ciddi maraq göstərir. Məlumata görə, “Real” Rodrinin keçidi üçün “şəhərlilər”ə təxminən 150 milyon avro təklif etməyi planlaşdırır.
Rodrinin “Mançester Siti” ilə müqaviləsi 2027-ci ilin ortalarına qədər qüvvədədir.
Qeyd olunur ki, İngiltərə klubu artıq futbolçuya potensial əvəzləyici kimi “Bavariya”nın oyunçusu ilə maraqlanır.
