Çempionlar Liqasının yarımfinal mərhələsinin cavab oyunu çərçivəsində keçiriləcək “Real” (Madrid) – “Mançester Siti” görüşünün hakimləri müəyyənləşib.
Korner.az-ın məlumatına görə, Madridddə keçiriləcək oyun sloveniyalı hakimlər briqadasına həvalə olunub.
Matçın baş hakimi Damir Skomina olacaq. Ona həmyerliləri Yure Praprotnik və Robert Vukan köməklik edəcək. Boyan Ul isə dördüncü referi funksiyasını yerinə yetirəcək.
Qeyd edək ki, mayın 4-də keçiriləcək “Real” – “Mançester Siti” oyunu Bakı vaxtı ilə saat 22:45-də başlayacaq.
