Çempionlar Liqasının 1/8 finalının cavab oyunu çərçivəsində bu axşam “Şalke”ni qəbul edəcək “Real” yeni rekorda imza ata bilər.
Korner.az-ın məlumatına görə, Madrid təmsilçisi bu görüşdə qalib gəlməklə turnirdə ardıcıl 11-ci qələbəsini qazanmış olacaq.
Bununla da, “Real” Çempionlar Liqası tarixində ardıcıl ən çox qələbə qazanan komanda adına sahib çıxacaq. Səfərdə rəqibini 2:0 hesabı ilə məğlub edən “kral klubu” bu matçın favoriti hesab olunur.
Qeyd edək ki, “Real” – “Şalke” oyunu bu axşam, Bakı vaxtı ilə saat 23:45-də başlayacaq.
