"Real"ın yeni transferi olan Toni Kross "Bavariya" azarkeşlərinin bəyənməyəcəyi ifadələr işlədib.
Korner.az-ın məlumatına görə, "Bild" dərgisinə danışan Kroos "Real"ın "pivəçilər"dən bir addım öndə olduğunu qeyd edib:
"Söhbət dünyanın iki ən güclü klubundan gedir. Düşünürəm ki, hazırki klubum Münhem təmsilçisindən güclüdü. "Real" "Bavariya"dan bir addım öndədi. Təkcə təqdimat mərasiminə 20 min azarkeş gəlmişdi. Münhemdə bu mümkün olmazdı"
Ayrılma səbəbini də açıqlayan Kroos:
"Bavariya"dan ayrılmama Quardiola səbəb olmayıb. O, hər zaman mənə yardımçı olub və bir üst səviyyəli futbolçu olmamda əsas pay sahibidi", – fikirlərini səsləndirib.
