İspaniya La Liqasında mübarizə aparan “Real” (Madrid) klubunun azarkeşləri komandanın ulduz futbolçusu Serxio Ramosun “Southampton” klubuna transfer olunduğunu zənn edib.
Korner.az-ın məlumatına görə, İngiltərə Premyer Liqasında mübarizə aparan “Southampton” Fransanın “Nays” klubundan Moez Hasseni transfer edib.
21 yaşlı qapıçının keçidi qısa zamanda sosial şəbəkələrdə yayılıb.
Daha sonra kral klubunun azarkeşlərinin narahatlığının səbəbi məlum olub. Belə ki, “Real” azarkeşləri ingilis klubuna keçən futbolçunu Serxio Ramosa bənzədib və onun “Southampton”a transfer olunduğunu zənn edib.
Qeyd edək ki, saçı və saqqalı ilə ispan futbolçuya bənzəyən Moez Hassen mövsümün sonuna qədər icarə əsasında Premyer Liqa klubunda çıxış edəcək.
