“Çelsi”nin yarımmüdafiəçisi Eden Azarın “Real”a keçidi baş tutmayacaq
“Kral klubu” belçikalını almaqdan imtina edib.
Bunu Madrid təmsilçisinin rəsmilərindən biri söyləyib. O bildirib ki, bu transferin yerinə Marko Asensioya üstünlük vermək qərarına gəliblər: “Əgər əlimizdə Asensio kimi futbolçu varsa, belçikalını niyə transfer edək?”
Qeyd edək ki, Eden Azar “Lill”də çıxış etdikdən bəri “Real”ın maraq dairəsində olub. Futbolçunun atası bu yaxınlarda yerli mətbuata açıqlamasında “Real”dan təklif gözlədiklərini və bu səbəbdən “Çelsi” ilə yeni müqaviləyə razılıq vermədiklərini bildirib.
