“Mançester Yunayted”in canlı əfsanəsi Rayan Giqqz komandasını tərk edib.
Korner.az-ın xəbərinə görə, yerli mətbuata açıqlamasında bu barədə o özü məlumat verib.
Uelsli məşqçi deyib: “Mançester Yunayted” 14 yaşımdan indiyə kimi həyatımın ayrılmaz parçası olub. Ayrılmaq qərarı vermək mənim üçün çox çətin idi”.
Giqqz 23 il futbolçu kimi “MY”ın şərəfini qoruyub. O, bu müddətdə “qırmızı şeytanlar”la 13 dəfə Premyer Liqanın qalibi olub, 4 dəfə Federasiya kubokunu, 2 dəfə isə Çempionlar Liqasını qazanıb. 42 yaşlı mütəxəssis 2013-cü ildən “MY”də məşqçi işləyirdi.
