Topaz Premyer Liqasının cari mövsümündə iddialı heyətlə gözəl nəticə qazanmağı qarşısına məqsəd qoyan "Simurq" klubu daha bir futbolçu ilə rəsmi müqavilə bağlayıb.
Korner.az-ın klubun rəsmi saytına istinadən verdiyi məlumata görə, 28 yaşlı Raul Kostin növbəti bir ildə komandanın şərəfəini qoruyacaq.
Rumıniyalı yarımmüdafiəçi Zaqatala təmsilçisinin heyətində "30" nömrəli forma ilə mübarizə aparacaq.
Qeyd edək ki, Raul karyerası ərzində ilk dəfə legioner həyatı yaşayacaq. Bundan öncə o, ölkəsinin “Nasional”, “Sibiu”, “Mioveni” və "Vasluy" klublarında forma geyinib. Yeni transfer Rumıniya çempionatının gümüş və bürünc mükafatçısıdır.
