"Bakı"nın futbolçusu Rauf Əliyevin Korner.az saytına müsahibəsi
-"İnter"lə doğma meydanda heç-heçə etdiniz. bu oyunla bağlı nə deyərdin?
"İnter"lə oyunda biz qələbə qazanmaq istəyirdik. Ancaq olmadı. Səfərdə hələ cavab oyunumuz var. Bu oyunda qələbə qazanmaqla mərhələ adlaya bilərik. Hələ heç nə bitməyib.
– Komandanızın stabil oyun göstərməməsinin səbəbi nədi?
Heç bir səbəb yoxdu. Sadəcə bəzi oyunlarda bəxtimiz gətirmir. Ancaq son oyunlarda hər şey qaydasındadı.
-Bəs səncə "Bakı" bu il avrokuboklara vəsiqə qazana biləcəkmi?
Yəni hər şey öz əlimizdədir.Komandamızda hər kəs çalışır ki, bu il avrokuboklara vəsiqə qazanaq. İnşallah istəyimizə nail olarıq.
-Bu tur "Rəvan" komandasını qəbul edəcəksiz. "Rəvan"ın sənin sabiq komandan olan "Qarabağ"la oyununa yəqin baxmısan.Bu oyun haqqında nə deyə bilərsən?
Bu oyun çox çətin olacaq. Altılığda olub-olmayacağımıza aydınlıq gələcək. Amma inanıram ki,"altılıq"da olacayıq."Rəvan" özü yaxşı komandadır.
-Milli komandamızın qarşıda Lüksemburq və Portuqaliya yığmaları ilə oyunları var.Səncə milli komandamız bu oyunlarda necə bir nəticəyə imza atacaq?
Əsas birinci oyunumuz Lüksemburq yığmasıyladır.Yəni bu oyuna çox ciddi hazırlaşmalıyıq.Bu vacib oyunlardan biridir.Lüksemburqla səfərdə qarşılaşmağımıza baxmayaraq,biz qələbə üçün gedəcəyik.Biz Portuqaliya ilə evdə qarşılaşacayıq.Bu çox maraqlı oyun olacaq.Yığmamız bu oyunda süpriz edə bilər.Biz evdə qarşılaşanda həmişə süpriz olur.
