“İnter” Azərbaycan Premyer Liqasının 17-ci turunun “Neftçi” ilə qarşılaşmasında 1:3 hesabı ilə uduzsa da, Rauf Əliyev mövsümün rekordunu təkrarlayıb.
Korner.az-ın məlumatına görə, bu haqda apasport.az saytı xəbər yayıb.
28 yaşlı hücumçu ardıcıl 3 oyundu meydanı qolsuz tərk etmir.
2017-ci ilin bütün matçlarında fərqlənən Əliyev öncə “Kəpəz” (4:1), ardınca “Sumqayıt”la (2:2) qarşılaşmada da fərqlənmişdi. “Neftçi” ilə görüşdə seriyasını 3 oyuna çatdıran futbolçu cari mövsümdə bunu bacaran 3-cü qolçu olub.
İlk belə oyunçu da “İnter”in üzvü idi. Mövsümün VI-VII turlarında meydandan qolsuz ayrılmayan Ağabala Ramazanov hazırda “Qarabağ”da çıxış etsə də, rekordu əvvəlki klubunda gerçəkləşdirib.
“Qəbələ”nin xorvatiyalı yarımmüdafiəçisi Filip Ozobiç isə ötən ilin sonunda fəallaşıb. O, XII-XIV turlarda qol sevinci yaşayıb.
