Topaz Premyer Liqasının XXVI turunda “Qəbələ” “Keşlə”ni qəbul edib. Oyun 1:1 hesablı bərabərliklə yekunlaşıb
Oyundan sonra “Qəbələ”nin futboçusu Rasim Ramaldanov jurnalistlərin suallarını cavablandırıb. O ilk olaraq oyun haqda fikirlərini bildirib:
– Oyun öz meydanımızda olduğuna görə daha çox qalib gəlmək istəyirdik. Lakin yenə də nəticədən razıyıq. Qol epizodlarımız çox olsa da hamsından istifadə edə bilmədik.
– Bu komandayla finalda da qarşılaşacaqsınız. Tam gücünüzü sərf etdinizmi, yoxsa enerejinizi daha çox finala mı saxladınız?
– Tam gücümüzlə oynadıq. Finala hələ çox vaxt var. Ona da ciddi hazırlaşacağıq.
– Bir şey müşahidə etdik: künc zərbələrində mərkəz müdafiçəlri qabağa getmirdilər. Bu, baş məşqçinin tapşırığı idi?
– Bizim hər hərəkətimiz məşqçinin tapşırığıdır.
– “Keşlə” necə rəqibdir?
– Əgər bu mərhələyə gəlib çata bilibsə deməli heç də zəif komanda deyil.
– Müqavilə müddəti başa çatır. Yeni təkliflər varmı?
– Hələ o barədə heç bir məlumatım yoxdur. “Qəbələ” Azərbaycanın yaxşı komandalarından biridir. Əgər yenidən təklif gəlsə yox demərəm.
