İspaniya La Liqasında mübarizə aparan “Real” (Madrid) ulduz futbolçusu Serxio Ramos ilə mövsümün sonunda yeni müqavilə imzalayacaq.
Korner.az-ın məlumatına görə, bu haqda “Marca” xəbər yayıb.
Müdafiəçi klubla 2020-ci ilə qədər olan müqavilənin müddətinin 2021-ci ilə qədər uzadılması təklifini qəbul edib. Həmçinin, oyunçuya illik 12 milyon avro təklif edildiyi və tərəflərin son detallar ilə bağlı danışıqları davam etdirdiyi bildirilir.
Xatırladaq ki, “Real”da 12-ci mövsümünü keçirən Ramos cari mövsümdə 35 oyuna 10 qol vurub və 3 məhsuldar ötürmə edib.