Ramos 600-ə çatdı
14.02.2019 , 09:59
Çempionlar Liqasının 1/8 final mərhələsinin ilk oyunları çərçivəsində hazırda keçirilən “Ayaks” – “Real” matçı qonaqların kapitanı Serxio Ramos üçün əlamətdar olub. 32 yaşlı müdafiəçi Madrid klubu ilə 600-cü matçına çıxıb.
Ramos bu göstəricidə klub tarixində 7-cidir. O, Fernando Yerro, Fransisko Xento (hər ikisi 601 oyun), Santilyana (645), Manuel Sançes (710), İker Kasilyas (725) və Rauldan (741) geri qalır.
2005-ci ildən “Real”da çıxış edən ispaniyalı futbolçu bu klubla 20 müxtəlif mükafat qazanıb.
